Åh, som vi diggar Teaterfestivalen i Fjaler! Det er like kjekt å kome kvart år, og vi gler oss alt til september 2018. I mellomtida mimrar vi med stadig fleire bilete frå ei bra bygd fylt med bra folk.
Blå himmel prega årets festival, sjølv om temperaturen var noko lågare enn i 2016.
Det er alltid mange tilreisande under festivalen, både som gjestar, tilsette og frivillige. Her representert av Camilla, Helena og Tina fra team Bergen.
Foto: David Zadig
Minikafeen til Petter bidrog til god stemning før framsyning. Vi åt kake neste kvar dag! Og is….
Veldig kjekt med opent hus i Klokkargarden, slik at vi kunne kome innom for litt økosofisk snæks.
På glaset til Allmuen fekk folket lov til å gje sine attendemeldingar til festivalen. Fint tiltak av Innsiden ut.
På familiedagen kunne ein kjøpe landskapsrelaterte souvenirar. Dei var òg å finne i teltet til Tormod (Radio Fjellom), som skaffa seg eit fint vinstativ på gjenbruksauksjon laurdag.
Radio Fjellom hadde for øvrig nokre av dei finaste kulissane i år. Det kunne vi sjå på medan vi høyrte på dikt og åt popcorn. Dette likte vi! Regissør Tormod Carlsen vant ein vinflaske på auksjon ved å gjette kor lenge menneska har brukt kobber.
Foto: David Zadig
Også årets Festivalsymposium om antropocen fann stad med vakkert bakteppe.
Foto: David Zadig
Det er så fint å kunne oppleve ein konsert som er lagt til venuen «Hagen til Roald og Reidun Hovland». Og så oppi eit tre attpå til!
Foto: David Zadig
Det har vore veldig triveleg å lage podcast med ulike aktørar frå festivalen – takk for praten! Og ein stor takk til David Zadig, som tek som mange fine bilete av oss.
-Ingrid og Ragnhild
PS. Vi er ikkje dei einaste som skryt av festivalen. Les òg kva Gustav Skaar og Firda skriv.
// mjøling av andre si kake // frontlosjen er offisielle festivalbloggarar under teaterfestivalen i fjaler