Me reiste ut på ekte road-trip frå Dale til Grytøyra, forbi diverse fjordarmar, fjordingar, kyr og sau. Då vi endeleg kom fram etter fleire u-snuingar, fikk vi eit sjelsettande møte med ei svart materie.
Ei campingvogn i ein ubestemmeleg klumpliknande form.
Inni klumpen vart vi tatt med på endå ein reise, ein urgamal meditasjonsform, som vikingane bedreiv: Ute-sitting. Dei gamle vikingane dreiv ikkje berre med ransakingar og fleinsopp, men når livet gjekk dei imot og dei hadde vonde følelsar, kunne dei setja seg på ein stein, og berre stirre framfor seg, feste blikket på eit punkt langt framfor seg og søke å drive ut dei vonde tankane.
I eit miniatyr-landskap inne i campingvogna, fekk vi moglegheita til å gjere ein utesitting-inne. Tid og stad forsvann inne i det vesle panorama-teatret.
Vi tilrår dykk på det varmaste å ta ein tur innom den helande klumpen. No står den på Tusenårsstaden på Dale, både laurdag og sundag.
Anna og Ingrid