Om ein googlar teater + antrekk, er det stor sjanse for at Frontlosjen havnar høgt opp på resultatlista. Som dei teatersupportarane vi er har vi forska mykje i ultimate teaterantrekk, men ofte endar vi sjølv med å gå i det same som alltid.
No som vi er vår eigen festival kjenner vi at verda er klar for å lære røyndommen bak stilen til sjølvaste Frontlosjen.
Fyrst ut er Ragnhild. For å få stilen hennar treng du:
- Smale kjoler eller skjørt
- Fargerik neglelakk
- Praktiske og kule sko, enten joggesko eller låge boots
- Ullgenser frå Gudbrandsdalen
- Dine favorittfargar er cherry, burgunder og fiolett
- Flette i håret
- Dinglande øyredobber
- Ting som glitrer
Hakket meir spenstig blir det når vi går over til Ingrid. Vil du bli vaksen og leiken på same tid er viktige stikkord:
- Fargar. Gjenta etter meg: «Rosa og raudt passar godt i lag»
- Kjole. Gjerne lårkort og heimelaga
- Strømpebukse med farge og/eller mønster
- Alltid øyredobbar, gjerne damete med litt bling eller i gull
- Halvavansert hårsveis, gjerne med Victory rolls og rosaskjær
- Cateyes og brillar
